64歲家燕姐扮失魂小倩 蕭正楠爭住咀

薛家燕在無綫新劇中飾演經典電影角色「聶小倩」，與蕭正楠扮演的「寧采臣」飾演一對歡喜冤家，蕭正楠面對64歲的家燕姐坦言很想跟她拍接吻戲，大搞噱頭。

薛家燕昨日與蕭正楠、湯盈盈及滕麗名等出席新劇《倩女失魂》開鏡拜神，一身白衣飄逸女鬼造型現身的家燕姐，透露劇中在死後要向恩公寧采臣報恩，而該劇是賀歲片，所以充滿搞笑成分。至於蕭正楠在劇中與吳若希是一對，問他可有親熱戲？他直言：「未出劇本，古裝好難好親熱，可能浸水桶，但我想同家燕姐咀多啲，咁樣先夠爆。」至於是否需要跟女友黃翠如報案？蕭正楠表示：「唔使，拍戲啫，大家明。」

唔驚黃翠如呷醋

而家燕姐則自爆最初接到劇本時，還以為是飾演誰人的母親，後來才知道要做聶小倩，家燕姐表示：「故事講我死時才16歲，但死後一直以為自己仍是16歲，見到寧采臣嗒晒糖，仲要扮到成個少女咁。」她笑言：「呢個角色好啱我做，因為我嘅心態係一個少女。」

被問到蕭正楠表示想與她演親熱戲，家燕姐笑言：「我都想咀佢呀，可能會傳緋聞添，因為我鍾意後生嘅男仔。（唔怕黃翠如呷醋？）我都想認識佢。不過如果我呢個年紀都吸引到年輕後生仔，咁佢應該跟我學下嘢。」

採訪：林常恩

攝影（部分）：Lego

編輯：黃寶恩

設計：梁政敏