網民sosad 大方回應戀朱晨麗 李逸朗癩蝦蟆食港姐肉

憑「哭腔」翻唱《傻女》一曲而人氣反彈的李逸朗（Don），除了事業漸有起色之外，日前更被踢爆與港姐冠軍朱晨麗秘戀三個月，女方更承認仍在觀察中，似默認戀情。然而消息傳出後，即引來大批網民熱議，有網民直指家住屋邨的Don與朱晨麗門不當戶不對，更直指Don癩蝦蟆想食天鵝肉，認真可憐！而你是支持Don放膽去愛？還是無謂不自量力？

今年33歲的Don出道至今依然是半紅不黑，出道初期他亦曾與港姐冠軍葉翠翠拍拖，可惜最後都是分手收場，之後便與同屬英皇的拍檔蔣雅文（Mandy）傳出緋聞，但都是煲水新聞。

至於現年27歲的2011年港姐冠軍朱晨麗，其緋聞絕對是一籮籮，入行至今與多位圈中人傳緋聞，所以被冠以「集郵港姐」，當中包括「城中筍盤」馬國明、港男李晉強及吳嘉龍等，但緋聞最後都是無疾而終。

拍拖睇戲 輕攬親暱

Don看似和朱晨麗大纜都扯唔埋，但日前卻有周刊拍得兩人戴着口罩，鬼鬼崇崇前後腳入戲院睇《五個小孩的校長》，之後更雙雙返回Don位於寶林邨的住所，期間Don更一手輕攬女方纖腰，狀甚親暱。二人上樓共度兩小時甜蜜時光後才依依不捨落樓，Don先送朱晨麗到附近商場，之後再乘的士到機場會合鄭敬基等人到布吉開騷。

對於盛傳跟Don秘撻三個月，朱晨麗透過微博回應：「多謝大家的關心，一切還在觀察中，如果要形容我們現在的關係，兩個字：閨蜜。」似是默認戀情，不過由於朱晨麗家境不俗，加上裙下之臣眾多，報道出街後，大批網民在網上激烈討論，有網民表示「專食冠軍，係咪無人記得佢食過葉翠翠？」、「咁嘅背景都媾到女神朱晨麗，簡直冇天理！」，但亦有網民表示「好葡萄呀！」、「這些機會不是我的。」

暫時只是好好朋友

而Don昨日接受本報電話訪問時透露，跟朱晨麗是一年前透過友人介紹認識，否認是傳聞中返教會認識，對於網友譏他癩蝦蟆食天鵝肉，Don不慍不火表示：「冇乜感覺，咩都有人講，對其他人的評語冇乜感覺。」問他是否不排除雙方發展的可能？Don直指：「唔排除，咩機會都有可能發生，但暫時只係好好的朋友。」

協力：Ivy

編輯：余運慶

插圖：何樂

設計：鄧俊明

撰文：Pat