第100萬位搭日本綫幸運兒 HK Express送機票

中獎啦！收到HK Express驚喜大獎嘅幸運兒，就係第100萬位乘搭日本航綫的旅客森重信太郎。為表誠意，HK Express商務總監Luke Lovegrove同日本國家旅遊局所長山田洋，仲喺香港國際機場登機手續櫃位「快閃出現」，親自送上兩張來回任何航點機票，黛安覺得好羨慕呀！

幸運兒：再來港發掘迷人之處

Lovegrove講到，100萬呢個數字係公司其中一個重要里程碑，希望把握機會感謝一直支持佢地的旅客。幸運兒收到意外驚喜，好開心咁話感覺似抽中獎券一樣，仲話要「利用這兩張免費機票再次到訪香港，發掘更多這裏的迷人之處。」

黛安知道，品牌自從兩年前開通首條往返香港至日本東京--羽田航綫，陸續又增加咗航班去日本其他目的地。山田先生恭賀HK Express日本航綫旅客破百萬之餘，佢話香港旅客訪日人數今年都首次突破100萬𠻹。