旅遊達人唔旅行 現身《U周刊》頒獎禮

昨日在海港城買化粧品，竟被黛安遇見多位旅遊達人。泰國通胡慧冲、日本通陳俊偉、潮流旅人杜如風、識玩又識化粧的Rick Chin、日本村姑林慧美等，因乜事呢班旅遊達人唔去旅行，仲一次過返晒香港？之唔係為咗出席旅遊雜誌《U周刊》的第二屆旅遊大獎頒獎禮囉！認真畀面！

三度蟬聯最佳旅遊雜誌

除他們之外，多家旅行社及航空公司高層都有赴會，見咁齊人，黛安亦忍唔住去湊熱鬧。聽經濟日報集團董事總經理麥華章講，今年九歲的《U周刊》，之前曾三度獲權威廣告及市務月刊《Marketing Magazine》，選為「本地最佳旅遊雜誌」第一位。

黛安本身都是《U周刊》的粉絲，經常跟住雜誌介紹四圍玩。麥社長笑言，《U周刊》的讀者普遍與黛安一樣，是20至44歲的中產女性，總讀者人數高達44萬；其Facebook專頁一樣人氣爆燈，足足有36萬名粉絲咁多，冠絕全港所有雜誌。難怪咁多公司鍾意在《U周刊》落廣告，因為真係好多人睇。此外，《U周刊》同讀者的互動性亦好高，好似昨日旅遊大獎的63個獎項得主，全由逾十萬名讀者一人一票選出，極具認受性。

有別於一般的頒獎禮，昨日《U周刊》的同事將會場布置成嘉年華會一樣，黛安尤其鍾意那個擺滿飛機、行李箱、相機等造型波板糖的Candy Corner；入口處又設置兩本高達兩米的巨型《U周刊》，畀嘉賓走入去做「封面男女」拍照留念，好有心思呢！