港大護理系Ocamp ｜再爆有參與者吸「綠色山草藥」 有人抽搐倒地 廁所遺大量用過避孕套

港大護理系迎新營（Ocamp）懷疑有參加者吸食大麻及非禮，消息傳出後，再有知情人士昨晚（29日）在社交平台發文，引述有份擔任「組媽」的學生爆料，指Ocamp營長及搞手默許校外人士參與，又指除了有人吸食電子煙之外，晚上更有人吸食「綠色的山草藥」後傻笑，甚至有人抽搐倒地，所幸「冇搞出人命」；翌日廁所地上「很多用過的避孕套」，使事主留下極大心理陰影。

同場加映：

Healthy Life｜打工仔打字越坐越寒背？5個簡單動作放鬆肩膊手指

{{hket:ul-video id="9003"}}{{/hket:ul-video}}

爆料者向擁過萬人追蹤的Instagram帳戶「軒軒萬事屋」投稿指，其友人有份在該Ocamp擔任「組媽」，對方大爆營長、搞手團隊默許「很多非HKU嘅外人」參與，但由於閉門作業，團隊在事主等勸告下「意見接受作風依舊」。到「Disco Night」活動時，很多「組爸組媽圍埋一邊玩」，現場有很多人吸煙和電子煙，煙霧瀰漫，一名有氣管敏感的女新生（組女）感到不適，卻被搞手們推到地上飲酒，「後尾有組爸直頭醉咗瞓喺另一名組女度」。活動期間有人抽搐，「好彩最尾冇事，冇搞出人命」。

爆料者續指，在晚上「房game」期間，有人捲起「類似綠色的山草藥」吸食，吸食後不停傻笑；翌日早上，廁所地上「發現好多用過嘅避孕套」。而在「水game」期間，有一個環節「玩吹奶」，「即係有條管裝咗奶，兩邊鬥大力吹畀對方飲，好多freshman（新生）覺得好嘔心走去休息，但營長同組媽就迫freshman睇，成支莊嘅人又講晒粗口話班freshman唔畀面佢哋。」

爆料者指其友人當時覺得反感，覺得「好影衰佢哋」，卻因為大家都是組媽，而未能阻止上述行為。正當一眾新生以為「完嘅時候」，又突然玩「成個人掉轉放入膠桶」的遊戲，其他人則不斷拍打膠桶，

「真係唔敢想像，如果自己畀人放入去放入去會有咩感覺，同埋我朋友覺得一班所謂嘅大學生讀咁多書，點解可以好似班黑社會咁樣，講晒粗口，又丟人落垃圾桶度打。」 

爆料者指，事主出營後患上甲型流感，「搞到勁唔開心」，留下好大陰影，「其實我同朋友都係辛辛苦苦考入大學都係想有入Ocamp識吓friend一齊上堂，過啲校園生活。點解搞到好似自己好似冇文化嘅人咁呢？」對此，警方回覆傳媒查詢時稱接到報案，亦留意到互聯網上有關帖文，新界北總區重案組人員正了解事件。至於校方則表示啟動調查程序。

總結帖文中8宗罪：

近日有新生爆 組爸媽吸大麻及非禮

另一方面，一名自稱港大護理系新生近日在網上指控，自參加完3日2夜的護理系迎新營後，「我反而唔想讀落去」。事主指控在參加迎新營首日的「Disco Night」活動時，在場地聞到大量攻鼻的大麻異味，場面混亂：

「好似好多組爸媽都喺度食緊，我同我朋友嗰組嘅爸媽都有食同飲醉，拋低我同其他同學唔理，成個活動入邊我哋都好驚好迷茫。」

期間，事主在現場遭受「組爸」摸手摸腳，故事的上下其手，令其相當不舒服。事主亦知道同場新生有類似經歷：

「但係我哋唔敢揭露呢啲性騷擾行為，亦唔知可以同邊個投訴，因為以我哋觀察，嗰度啲爸媽全部都係一夥嘅。我哋有諗過搵莊入面嘅人投訴，但係佢哋好似同個組爸好熟咁。」

玩水不准更換深色衣服

之後在翌日的玩水活動中，事主指控「組爸媽」規定他們不准更換深色衣服，必須穿上「好透」的「Camp Tee」：

「即使我嗰組算深色啲都見到內衣，加上濕咗水，可以話係走曬光，仲要畀啲唔友善嘅目光望住。」

即使活動至入夜後亦不准更衣，事主坦言當時身體開始不適，但「組媽」當時仍然不准「組仔組女」休息，並強迫繼續喝酒。直至結束迎新營後，事主與其他組員全部生病，直言：

「我會覺得呢3日2夜係我人生最痛苦嘅日子，帶咗好多陰影畀我。」

對於事主的指控，主辦迎新營的港大護理學會於社交媒體表示，正就有關網上言論檢視安排及處理，承諾必定秉公處理。而港大發言人亦稱校方正了解事件。

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂