可樂罐憑歌寄意 72句經典歌詞任你揀

上年可口可樂推出「人名可樂罐」，印有好友、愛人名字可樂罐，變成了送禮佳品。找不到心儀名字，黛安男友都送上一罐「O Dear」。今年品牌再接再厲，由「share a coke」變身「share your feelings, share your songs」，唔只印中英文名，仲將72句經典歌詞印出嚟，等大家用「歌詞特別版」憑歌寄意。

MOOV免費試聽72首經典

「為妳鍾情傾我至誠」或者「故事平淡但當中有你」？「聽媽媽的話」還是「做我一世情人」？黛安隨便數一數經典歌，由80年代到00年代都有，唱盡愛情、友情、親情、勵志，梗有一首啱你。聽講可口可樂公司仲同MOOV合作，大家可以免費試聽72首歌曲，齊齊分享。

除咗特別版，黛安仲知道，牛角日本燒肉專門店（牛角）都同品牌crossover，慶祝可口可樂弧形瓶誕生100年，推大激「相」推廣。即日起至下周三，晚市時段惠顧牛角各分店，店員即場為每枱客人拍下即影即有相片一張，並附送可口可樂x牛角特色相框貼紙。

玩遊戲贏100年版擺設

下周六前，將貼有特色貼紙相框的即影即有相，去牛角facebook專頁「可口可樂x牛角大激「相」推廣帖子」，留言輸入祝賀語，有機會得到首次面世的可口可樂弧形瓶100年版擺設一件！