調教你MIRROR｜姜濤單飛勁接Job難面對隊友 隊長Lokman呻鏡仔難湊常做醜人

ViuTV節目《調教你MIRROR》昨晚（29日）一集，由前Cookies隊長鄧麗欣（Stephy）擔任嘉賓，跟鏡仔分享自己由女團時期到單飛發展的體會。當討論到客戶只找團隊中最紅的一個時，要如何面對其他隊友，MIRROR的人氣王姜濤對此表示：「其實一開始入MIRROR時，花姐（經理人）都有講，話希望比較紅嘅嗰幾個，尤其是我，可以做多啲嘢去令到大家一齊好……喺客面前我都會話其實我哋MIRROR好多人都好得。（即是推薦大家？）係囉！我覺得我可以對所有人問心無愧，因為喺我做到範圍入面，我一定希望大家都好，用呢個基礎（去行）。」Stephy對此相當欣賞，認為姜濤會做到，同時感受到他內心那一份「真」。

{{hket:inline-image name="06301014.jpg"}}{{/hket:inline-image}}

{{hket:inline-image name="06301010.jpg"}}{{/hket:inline-image}}

調教你MIRROR｜Stanley出道後未有代表作感迷失 爆喊認好廢：搵唔到自己嘅價值【下一頁】

Cookies在2002年組成，起初是9人女團，後來由9變4，最終解散各自作個人發展。對於如果MIRROR改組成四人男團，隊長Lokman表明會阻止，「打畀花姐，問佢點解，然後集合大家能力，迫公司唔可以咁樣做。」旁邊的姜濤大為認同；Edan亦贊同Lokman意見，表示先打電話給花姐才算。Jeremy說：「先用Lokman方法，若果唔得，我會組另外6個出嚟。」

Edan、Lokman及Tiger這集被選出來，角逐「最似Stephy大獎」，結果由Lokman勝出，由Stephy親自頒獎給Lokman。Lokman得獎後表示：「其實呢個隊長唔易做，我有嘗試過好多方法去做好，但係我覺得好嘅方法，對大家嚟講未必係最好；亦都可能做過一啲唔好嘅嘢，或者令大家唔開心過。我係一個適應力、學習能力強嘅人，好想繼續做好啲，亦想大家做好啲。希望大家以後用一個有話直說，而不受傷害嘅方式持續落去，令到我哋身邊嘅人驕傲。」

{{hket:inline-image name="06301009.jpg"}}{{/hket:inline-image}}

{{hket:inline-image name="06301004.jpg"}}{{/hket:inline-image}}

Lokman又講到做隊長的壓力，「你哋都知你哋幾難湊，有時啲醜人一定要我做，我都唔怕講，有時醜親你哋係知。可能我有啲行動太硬淨，我知道硬親你哋，但有啲嘢我又唔可以唔做，所以好多嘢要硬食。我又冇理由同番你哋講『我啱啱嗰刻硬親你，我係咁硬喎！』，再Ban多你一嘢，惟有調節自己。呢個可能係我畀自己一個定位，畀個框框住咗，我係隊長，有啲嘢真係冇咁Free。」

調教你MIRROR｜Anson Lo額頭被公開勁大反應 孖柳應廷Jeremy化醜妝考心理【下一頁】

他又呻自己已很辛苦，叫兄弟們生性些；又自爆在今次節目第一個練習中，望到大家眼神時好慚愧，「我放咗好多個人感情入去，但覺得一個好隊長唔能夠放咁多私人感情……一路以嚟累積好多誤會，大家唔溝通，有好多芥蒂，令我覺得距離做一個好隊長越嚟越遠。有段時間自己放棄咗做隊長嘅行動，之前兩邊嘅關係嚴重影響大家進步，排舞時候你唔敢唱，就唔夠推動力，唔敢赤裸表露自己缺點，唔顯露又唔真誠；又可能因為覺得有敵意，所以就唔會提點。經過呢次之後，起碼大家會鬆番先，可能一開頭係會尷尬，但大家扶持大家向前行，真係肩並肩邁步向前，越行越高、越行越遠，係我嘅寄望。」

（↓點擊放大睇圖片↓）

此外，Stephy講到對Cookies成名作《心急人上》的感受，「我曾經好唔鍾意呢首歌，每個人一講Cookies就唱『又不是80年代……』會跳嗰隻舞，曾經覺得好煩。下年已經入行20年，到而家嘅訪問都會講番以前Cookies 9個人係點，但我講咗呢個題目已廿年……其實首歌曲風唔係我鍾意嘅嘢，相信大家一定會遇到要唱、做一啲你唔鍾意做嘅嘢，你嗰刻可能會唔開心，覺得是但啦，迎合啦。但我到而家係越嚟越鍾意呢首歌，鍾意嗰種回憶，呢樣回憶係我而家做唔番同搵唔到。最後悔係嗰陣冇好好珍惜呢樣嘢，唔識得Enjoy青春、9個人出嚟做嘢，好似你哋呢個營咁去玩……而家係搵唔到咁多隊友、朋友出嚟做呢件事。」阿祖之後偷偷叫MIRROR即場排練《心急人上》送給Stephy，氹得她好開心。

撰文：梁榮達

同場加映：馬國明父愛氾濫 對「囡囡」愛不釋手

{{hket:ul-video id="3404"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】