鄭希怡老公俘虜老婆全家女性 守一個約定多年 成琴瑟和諧關鍵

鄭希怡（Yumiko）與化妝師梁立翰（前名梁學儲）（Andy）於2014年結束兩人8年的愛情長跑，並於泰國舉行婚禮，而未曾想過生兒育女嘅Yumiko，於婚後一年也誕下兩人的愛情結晶品梁子柔（梁浸浸），從相戀到婚後已恩愛14年。Yumiko同老公近日一齊參與內地真人騷《家務優等生》，當中Andy嘅表現除咗被Yumiko嘅「姨媽姑姐」大讚之外，連網民都勁羨慕Yumiko。

同場加映：  新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事

{{hket:ul-video id="9751"}}{{/hket:ul-video}}

Yumiko喺節目中由搬搬抬抬到煮飯洗衫一律都係撓埋雙手，喺騷入面Yumiko突然話要搞家庭party，老公就二話不說去做準備。同岳父岳母相處嘅時候都好有耐性，煮飯嘅時候，一有空檔又幫老婆化妝，非常全能。之後Yumiko嘅一班姨媽姑姐都到場，無論講啲咩、就算聽唔明，Andy都係報以一個微笑。姨媽姑姐們又問到Andy係咪平時都係一手包辦家務，佢都冇落老婆面，話Yumiko平時都有做。

{{hket:inline-image name="605.JPG"}}{{/hket:inline-image}}

之後一班長輩坐低傾偈，都表示明白點解Yumiko會嫁畀Andy，就連爸爸都話Andy夠沉穩踏實，而Yumiko都表示一個人講到天花龍鳳都冇用，Andy就用行動去證明點樣去愛。Yumiko又喺節目中一邊化妝，一訪表示同老公咁多年來都守住一個約定，就係二人唔會一齊工作，因為只要一齊工作就好容易會有拗撬，而佢哋都表示呢個係一個非常正確嘅決定，可以避免傷感情。

Yumiko又講到老公有一個優點係媽媽都大讚：「她說係從來不會催我出門。」老公就搞笑又溫和咁回應：「因為催也沒用，你沒有時間管理部門。」網民表不非常羨慕Yumiko，二人相處方式就係一段關係嘅「終極目標」：「世上有如此情緒穩定的老公。」、「看了就知道為甚麼Yumiko會嫁。」

鄭希怡曾表示一直渴望將來可擁有一段簡單的愛情，生活唔需要大富大貴，最重要係相處同溝通到。2012年Yumiko於泰國不慎從三樓倒地受傷，她傷到頸椎外更被樹枝刺穿肺部而緊急送院，當時男友Andy放低手頭上工作，揚言會不離不棄陪伴在她的身邊，更會悉心照顧對方。一個月後，Andy鄭希怡求婚，佢唔介意鄭希怡有半身癱瘓嘅危機，更計畫好點去照顧佢，令Yumiko非常感動。

圖片來源：截圖