黛安
黛安

$16,888富貴大包 你捨得食嗎?

發佈時間: 2015/07/30

咩包咁矜貴,賣16,888蚊咁「架勢」?之唔係名廚陳國強出品嘅「富貴大包」囉!賣到咁貴,除咗因為陳師傅呢位「中國十大廚神」名氣十足,事實上,個包嘅用料亦相當名貴。根據黛安八卦所得,入面裝有乾鮑、花膠皇、日本遼參、頂級燕窩盞、日本大元貝及金華火腿等,要用一個大蒸籠先裝得住,足足有十公斤重,相信四、五個人都未必食得晒。

其實陳師傅咁花心機整個富貴大包,無非想慶祝Groupon賣出第400萬張飲食團購券。黛安仲知道呢個包未推出,已經獲世界紀錄網站RecordSetter確認為全球最貴蒸包,個包現於Groupon.hk公開發售。唔知幾多人肯花萬幾蚊食呢?

銀彈不足又想試?可登入http://bit.ly/1SLUTvQ參加遊戲,陳師傅已預留一個「富貴大包」送畀遊戲幸運兒,等佢帶埋親朋好友,去到師傅主理嘅粵來順試食。

撰文: 黛安 消息特靈八卦公關
欄名: 八卦名利場